Libra Horoscope 2023. Is 2023 Important for you. tula rashi phala 2023 Check it.

 

ତୁଳାରାଶି:-

୨୦୨୩ ମସିହା ଇଂରାଜୀ ନବବର୍ଷ କେମିତି କଟିବ ତୁଳାରାଶିର ସମସ୍ତ ଜନ୍ମିତ ବ୍ଯକ୍ତି….

 କଣ କହୁଛି ସେମାନଙ୍କର ଗ୍ରହ ନକ୍ଷତ୍ର ଏବଂ ଗୋଚର ଫଳାଫଳ….… 

କଣରହିଛି ଗ୍ରହମାନଙ୍କର ଫଳାଫଳ, କେମିତି କରିବେ ସମସ୍ତ ଗ୍ରହ ମାନଙ୍କ ପାଇଁ ପ୍ରତିକାର ଆସନ୍ତୁ ଜାଣିବା….

ଏହି ନୂଆବର୍ଷରେ ନୂଆ ଯୋଜନା ଓ ନୂଆ ସ୍ଵପ୍ନକୁ ନେଇ ଅନେକ ପ୍ରକାର ପ୍ରଶ୍ନ ମନରେ ସୃଷ୍ଟି ହୁଏ । ଯେପରିକି କ୍ୟାରିୟର କିପରି ହେବ ? ବର୍ଷସାରା ଶିକ୍ଷା କ୍ଷେତ୍ରରେ କିପରି ରହିବ ? ବର୍ଷସାରା ସ୍ୱାସ୍ଥ୍ୟ କ୍ଷେତ୍ରରେ କିପରି ରହିବ ? ପାରିବାରିକ ଓ ବୈବାହିକ ଜୀବନ କିପରି ରହିବ ? ଏହିପରି ଅନେକ ପ୍ରଶ୍ନ ମନରେ ଆସିଥାଏ । ସମୟ ସବୁବେଳେ ସମାନ ନଥାଏ, କିନ୍ତୁ ସମୟ ପୂର୍ବରୁ ଘଟଣା ଗୁଡିକ ବିଷୟରେ ଜାଣି, ପ୍ରତ୍ୟେକ ସମସ୍ୟାକୁ ସାମ୍ନା କରିବାକୁ ସାହସ ଓ ଧର୍ଯ୍ୟ ଏକଜୁଟ କରି ଲଢିବାର କ୍ଷମତାକୁ ବିକସିତ କରିବା ଆବଶ୍ୟକ । ତେବେ ଆସନ୍ତୁ ପ୍ରଥମେ ଜାଣିବା ୨୦୨୩ ମସିହାରେ ତୁଳାରାଶିର ଗୋଚର ଫଳ ଅନୁସାରେ ଜୀବନର ଶୁଭ ଅଶୁଭ ବିଷୟରେ ।

ବର୍ଷ ଆରମ୍ଭରୁ ଧନୁରାଶିରେ ରବି, ବୁଧ, ମେଷରାଶିରେ ଚନ୍ଦ୍ର, ରାହୁ, ବୃଷରେ ମଙ୍ଗଳ, ମକରରେ ଶନି, ଶୁକ୍ର, ମୀନରାଶିରେ ଗୁରୁ, ତୁଳାରାଶିରେ କେତୁ ଥିବା ସମୟରେ ବର୍ଷଚକ୍ର ଆରମ୍ଭ ହେଉଛି । ଗୁରୁ ୨୦୨୩ମସିହା ଏପ୍ରିଲମାସ ୨୧ତାରିଖରେ ମେଷରାଶିକୁ ଗମନ କରି ବର୍ଷଶେଷ ପର୍ଯ୍ୟନ୍ତ ରହିବେ । ୨୦୨୩ ମସିହା ଜାନୁୟାରୀ ୧୭ତାରିଖରେ ଶନି କୁମ୍ଭରାଶିକୁ ଗୋଚର ହୋଇ ବର୍ଷଶେଷ ପର୍ଯ୍ୟନ୍ତ ଅବସ୍ଥାନ କରିବେ ।

ତୁଳାରାଶିର ଜାତକଙ୍କ ପାଇଁ ୨୦୨୩ ମସିହା ଶିକ୍ଷା, ସ୍ୱାସ୍ଥ୍ୟ, କ୍ୟାରିୟର, ରାଜନୀତି, ଦାମ୍ପତ୍ୟ ଓ ପାରିବାରିକ କ୍ଷେତ୍ରରେ ଉତ୍ଥାନ ପତ୍ତନ ପରିସ୍ଥିତି ଦେଖା ଦେଇପାରେ ବା ମିଶ୍ରିତ ଫଳ ପ୍ରାପ୍ତି ହେବ । କିନ୍ତୁ ଏପ୍ରିଲମାସ ୨୧ତାରିଖ ପରେ ଗୁରୁ ଜାୟା ବା ବ୍ୟବସାୟ ଭାବରେ ବିରାଜମାନ କରିବେ । ଜାମିତ୍ରସଂସ୍ଥେ ବିପୁଲାଚ ଲକ୍ଷ୍ମୀ ସୂତ୍ରରେ ଆର୍ଥିକ ସ୍ଥିତିରେ ପ୍ରବଳ ପରିବର୍ତ୍ତନ ହେବାର ସମ୍ଭାବନା ଅଛି । ଅର୍ଥାତ୍ ଆର୍ଥିକ ସ୍ଥିତି ପ୍ରତି ବିଶେଷ ଧ୍ୟାନ ରଖିବା ଜରୁରୀ ଅଟେ । ଯେ କୌଣସି ଗତିବିଧିରେ ଟଙ୍କା ନିବେଶ କରିଲେ ଆଶାତୀତ ଲାଭ ପାଇବେ । ବ୍ୟବସାୟିକ କ୍ଷେତ୍ରରେ ଭାଗୀଦାରୀମାନଙ୍କ ସହଯୋଗରେ ବ୍ୟବସାୟରେ ଉନ୍ନତି ହେବାର ସମ୍ଭାବନା ଅଛି ।

ବ୍ୟବସାୟୀ ମାନଙ୍କର କାରବାର ବଢିବା ସହ ମନମୁତାବକ ଲାଭବାନ ହୋଇ ପାରିବେ । ବ୍ୟବସାୟ କ୍ଷେତ୍ରରେ ଭୁଲ୍ ବୁଝାମଣା ଦୂର ହେବା ଯୋଗେ ହିତୈଷିମାନେ ଅଧିକ ନିବିଡ ହେବା ସାଙ୍ଗକୁ ମର୍ଯ୍ୟଦା ଜନକ ପରିସ୍ଥିତି ସୃଷ୍ଟି କରିବେ । ଧନ ସମ୍ପତିର ଅବାଭ ଦେଖା ଦବ ନାହିଁ । ଯାହା ଫଳରେ ଯେଉଁ ବ୍ୟକ୍ତିମାନେ ନୂତନ ଚାକିରୀ କରିବାକୁ ଚାହୁଛନ୍ତି ବା ନୂତନ ବ୍ୟବସାୟ କରିବାକୁ ଯୋଜନା କରୁଛନ୍ତି ସେମାନେ ଏଥିରେ ସଫଳତା ପାଇବେ । ପୈତୃକ ସମ୍ପତ୍ତିକୁ ନେଇ ପାରିବାରିକ ଦ୍ଵନ୍ଦ ମେଣ୍ଟିଯିବ ଓ ମାନସିକ ଏକାଗ୍ରତା ବଜାୟ ରହିବ । ପତି ପତ୍ନୀଙ୍କ ମଧ୍ୟରେ ବୁଝାମଣା ଭଲ ରହିବ ଓ ଦାମ୍ପତ୍ୟ ସୁଖରେ ଶାନ୍ତି ଅନୁଭବ କରିବେ । ପରିବାରରେ ଆଶା କରୁଥିବା ଖବର ପାଇ ଖୁସୀ ହୋଇ ଯିବେ । ପ୍ରେମିକ ପ୍ରେମିକାମାନେ ପ୍ରେମ କ୍ଷେତ୍ରରେ ଉନ୍ନତି ପାଇଁ ପ୍ରୟାସ ରତ ହେବେ ।

ସାମ୍ବାଦିକ ମାନେ ଉଦ୍ଦେଶ୍ୟକୁ ସଫଳ କରିବାରେ ସକ୍ଷମ ହେବେ । ଅନେକ ସୁଯୋଗ ହାତ ପାହାନ୍ତାରେ ପାଇବା ଫଳରେ ଉତ୍ସାହ ଉଦ୍ଦିପନା ବୃଦ୍ଧି ପାଇବ । ଜାଗା, ଜମି, ଉଚ୍ଚସ୍ତରୀୟ ବାହନ ଆଦି କ୍ରୟ କରିବେ । କଳା, ସାହିତ୍ୟ, କ୍ରିଡା, ଚଳଚ୍ଚିତ୍ର ତଥା ଆନୁଷ୍ଠାନିକ କାମରେ ପ୍ରଶଂସା ମିଳିବ । ଅବିବାହିତ ଯୁବକ ଯୁବତୀମାନଙ୍କର ବିବାହ ପ୍ରସ୍ତାବମାନ ସମାଧାନ ହୋଇଯିବ । କର୍ମକ୍ଷେତ୍ରରେ ଉଚ୍ଚାଧିକାରୀ ଓ ବରିଷ୍ଠ ବ୍ୟକ୍ତିଙ୍କ ସହ ସୁ ସମ୍ପର୍କ ଫଳରେ ପ୍ରଶଂସା ପାଇବେ । କର୍ମକ୍ଷେତ୍ରରେ ପଦୋନ୍ନତି ପାଇ ସହକର୍ମୀ ମାନଙ୍କ ଦ୍ୱରା ବହୁ ସୁବିଧା ପାଇବେ । ରାଜନୀତି କ୍ଷେତ୍ରରେ କର୍ତ୍ତବ୍ୟନିଷ୍ଠ, ଉଦ୍ୟମୀ, ଦକ୍ଷ, ଜନପ୍ରିୟ, ସିଦ୍ଧହସ୍ତା ବ୍ୟକ୍ତିରୁପେ ପ୍ରଶଂସା ପାଇବେ । ରାଜନୀତି କ୍ଷେତ୍ରରେ ସୁଯୋଗ ହାତ ପାହାନ୍ତାରେ ପାଇ ପାରିବେ । ସହଯୋଗୀମାନେ ସହଯୋଗ କରିବେ ଓ ସହକର୍ମୀମାନଙ୍କ ସହ ଶତ୍ରୁତା ମେଣ୍ଟିଯିବା ଫଳରେ ପ୍ରବଳ ଶତୃମାନେ ଦୁର୍ବଳ ହେବେ ।

ନିଜର କର୍ମ ଦ୍ଵାରା ସମାଜରେ ମାନ ସମ୍ମାନ ମଧ୍ୟ ଅର୍ଜିତ କରିପାରିବେ । ସନ୍ତାନ ସୁଖ ମିଳିବାର ସମ୍ଭାବନା ଅଛି । ବିଦ୍ୟାର୍ଥୀ ମାନେ ଶିକ୍ଷା କ୍ଷେତ୍ରରେ ଅତ୍ୟନ୍ତ ଶୁଭ ଫଳ ପାଇବେ । ପ୍ରତିଯୋଗୀ ପରୀକ୍ଷା ପାଇଁ ଯଦି ଆପଣ ପ୍ରସ୍ତୁତ ହେଉଛନ୍ତି ଏହି ସମୟ ଆପଣଙ୍କ ପାଇଁ ଅନୁକୂଳ ରହିବ । ଯେ କୌଣସି ଶିକ୍ଷାରେ ଶୁଭଫଳ ପ୍ରାପ୍ତି ହେବ । ଯେଉଁମାନେ ବିଦେଶରେ ରହି ଉଚ୍ଚ ଶିକ୍ଷା ଲାଭ କରିବାକୁ ଚାହୁଁଛନ୍ତି ବା ବିଦେଶରେ ରହି ପାଠ ପଢୁଛନ୍ତି ସେମାନେ ମଧ୍ୟ ଶୁଭଫଳ ପାଇବେ । ନୂତନ ଉଚ୍ଚଶିକ୍ଷା ପ୍ରାପ୍ତି ହେବାର ସମ୍ଭାବନା ରହିଛି । କିନ୍ତୁ ବର୍ଷାରମ୍ଭରୁ ଶନିପଞ୍ଚମରେ, ଗୁରୁଷଷ୍ଠରେ, ରାହୁସପ୍ତମରେ ଥିବାରୁ ରୋଗ, ରୁଣ, ଶତୃଙ୍କର ସାମ୍ନା କରିବାକୁ ପଡିପାରେ । ସ୍ୱାସ୍ଥ୍ୟରେ ସାମାନ୍ୟ ବ୍ୟତିକ୍ରମ ଦେଖାଦେଇ ପାରେ । ଭ୍ରମଣ ସମୟରେ ସାବଧାନ ରୁହନ୍ତୁ ନତୁବା ହୃଦୟ ରୋଗୀ ମାନଙ୍କର ସମସ୍ୟା ଉପୁଜିବାର ସମ୍ଭାବନା ଅଛି ।

ଥଣ୍ଡା ସ୍ଥାନରେ ରହୁଥିବା ଲୋକଙ୍କ ସ୍ୱାସ୍ଥ୍ୟଗତ ସମସ୍ୟା ଜାରି ରହିବା ଯୋଗେ ସ୍ୱାସ୍ଥ୍ୟର ଉଚିତ୍ ଯତ୍ନ ନିଅନ୍ତୁ । ନତୁବା ଶ୍ୱାସକ୍ରିୟା ଏବଂ ଯକୃତ ସମ୍ବନ୍ଧୀୟ ରୋଗରେ ଅସୁରକ୍ଷିତ ହୋଇ ପାରନ୍ତି । ଦାମ୍ପତ୍ୟ ଜୀବନରେ ଭୁଲ ବୁଝାମଣା ସୃଷ୍ଟି ହୋଇ ତିକ୍ତତା ଭାବ ଦେଖାଦେଇପାରେ । ବୈବାହିକ ଜୀବନରେ ଉତ୍ଥାନ ପତ୍ତନ ଲାଗି ରହିବ । ତେଣୁ ସାବଧାନ ରହିବା ଆବଶ୍ୟକ । ବାଦବିବାଦଠାରୁ ଦୂରେଇ ରହିବାକୁ ଚେଷ୍ଟା କରନ୍ତୁ ନଚେତ୍ ବହୁତ ସମସ୍ୟାର ସମ୍ମୁଖୀନ ହେବାକୁ ପଡିପାରେ । ଗୁରୁତ୍ୱପୂର୍ଣ୍ଣ ଇଲେକ୍ଟ୍ରୋନିକ୍ସ ଜିନିଷପାଇଁ ଅଧିକଟଙ୍କା ଖର୍ଚ୍ଚ କରିପାରନ୍ତି । ଗୁପ୍ତ ଶତ୍ରୁମାନେ ହଇରାଣ କରିବାକୁ ଚେଷ୍ଟା କଲେ ମଧ୍ୟ କର୍ମକ୍ଷେତ୍ରରେ କଠିନ ପରିଶ୍ରମକୁ ଉଚ୍ଚ ପ୍ରଶଂସା ମିଳିବ।

ପ୍ରତିକାର:-

୧- ପ୍ରତ୍ଯେକ ଶନିବାରେ କୁଆ ପାରାଙ୍କୁ ଗହମ କିମ୍ବା ଚାଉଳ ଖାଇବାକୁ ଦିଅନ୍ତୁ।

୨- ସର୍ବଦା ଧଳା ରଙ୍ଗର ଡ୍ରେସ କିମ୍ବା ଧଳା ରୁମାଲଟିଏ ପାଖରେ ରଖନ୍ତୁ ।

୩- ପ୍ରତ୍ୟେକ ଗୁରୁବାରଦିନ ଅଶ୍ୱସ୍ଥ ବୃକ୍ଷମୂଳରେ ଗୁଡ଼ ଥୋଇ ପ୍ରଣାମ କରନ୍ତୁ। ଏବଂ ୯ଥର ପ୍ରଦକ୍ଷିଣ କରନ୍ତୁ।

୪- ପ୍ରତ୍ୟେକ ଦିନ ଗୁରୁଙ୍କୁ ପ୍ରଣାମ କରନ୍ତୁ ।

୫- ପ୍ରତ୍ୟେକ ମଙ୍ଗଳବାରେ ଦହିଟିକେ ପାଣିରେ ମିଶେଇ ଗାଧାନ୍ତୁ ।

୬- ପ୍ରତ୍ୟେକ ଶୁକ୍ରବାର ଦିନ ତ୍ରୀଶାଖା ବେଲପତ୍ର ୧୦ଟି ନେଇ ଶୁକ୍ର ଗାୟତ୍ରୀ ମନ୍ତ୍ରରେ ଲାଗିକରିବେ। 

Mahaveer Astrology

Pandit Nirakar Biswal

Plot No - MA 57, 

GGP Colony,

Rasulgarh,

Bhubaneswar 25,

Odisha,

Mob no 7978654981

              9438804434